Monday, April 12, 2021
Home Authors Posts by ឌឹ ខេមបូឌា ដេលី

ឌឹ ខេមបូឌា ដេលី

682 POSTS 0 COMMENTS
video

IDEA TALK៖ ស្ថានភាពសេដ្ឋកិច្ចក្នុងអំឡុង និងក្រោយស្ថានភាពកូវីដ១៩នៅកម្ពុជា

កម្មវិធី Idea Talk សម្រាប់រាត្រីថ្ងៃទី០៦ ខែមេសា ឆ្នាំ២០២១ ស្តីអំពី៖ ស្ថានភាពសេដ្ឋកិច្ចក្នុងអំឡុង និងក្រោយស្ថានភាពកូវីដ១៩នៅកម្ពុជា។
video

ចិនធ្វើសមយុទ្ធទ័ពជើងទឹកគំរាមតៃវ៉ាន់ខណៈនាវាផ្ទុកយន្តហោះអាមេរិកចូលគៀកនឹងនានវាល្បាតចិននៅសមុទ្រចិនខាងត្បូង

កងទ័ពជើងទឹកចិនបានប្រកាស កាលពីថ្ងៃចន្ទទី៥មេសា ថា ក្រុមនាវាដឹកយន្តហោះចម្បាំងរបស់ចិន កំពុងធ្វើសមយុទ្ធនៅក្បែរកោះតៃវ៉ាន់ ដែលជាសមយុទ្ធប្រចាំឆ្នាំរបស់ខ្លួន តែត្រូវបានមើលឃើញថា ជាការបង្ហាញកម្លាំងទ័ពគំរាមកោះតៃវ៉ាន់  ខណៈកងនាវា ផ្ទុកយន្តហោះ Theodore Roosevelt របស់សហរដ្ឋអាមេរិកបានកំពុងបើកដល់ទីតាំងដែលនាវាល្បាតចិន២៥០គ្រឿង បោះទីទាំងនោះ ទោះជាហ្វីលីពីន ស្នើឲ្យចេញពីដែនទឹករបស់ខ្លួន ក៏ចិនមិនបានដកចេញដែរ។ កោះតៃវ៉ាន់បានប្រកាសផងដែរអំពីការកើនឡើង នៃសកម្មភាពយោធាចិន...
video

សត្វចង្កៀលខ្យងងាប់រាប់ពាន់ក្បាលតំបន់ទេសចរណ៍បឹងស្នេហ៍ខេត្តព្រៃវែង ដោយសារឆ្លងជម្ងឺផ្តាសាយបក្សី

ពលរដ្ឋខេត្តព្រៃវែង កំពុងព្រួយបារម្ភថា នឹងបាត់បង់បក្សីក្នុងតំបន់របស់ខ្លួន នៅពេលបក្សីកម្របន្តងាប់រាប់ពាន់ក្បាលជារៀងរាល់ថ្ងៃ នៅឯតំបន់អភិរក្សបឹងស្នេហ៍ ក្នុងខេត្តនេះ។ កង្វល់របស់ពលរដ្ឋ ដែលបានលើកឡើងនេះ ក្រោយពីសត្វចង្កៀលខ្យង និងបក្សីកម្រផ្សេងទៀត រស់នៅតំបន់ការពារធម្មជាតិទួលព័ទ្ធតាឡី ហៅបឹងស្នេហ៍ បានងាប់ជាបន្តបន្ទាប់អស់ជិត ៤ពាន់ ៥រយក្បាលហើយ (៤៤៨២) គិតត្រឹមថ្ងៃទី ០៦ ខែមេសា។
video

ពលរដ្ឋនៅខេត្តសៀមរាប សោកស្តាយដើមគ្រញូងក្នុងឧទ្យានអង្គរត្រូវគេកាប់

ពលរដ្ឋនៅខេត្តសៀមរាប បានសម្ដែងការសោកស្តាយ ដែលអាជ្ញាធរអប្សរាធ្វេសប្រហែសបណ្តោយឱ្យជនល្មើសលួចកាប់ដើមគ្រញូង ដ៏មានតម្លៃមួយដើមដុះ ក្នុងតំបន់ឧទ្យានអង្គរ កាលពីចុងខែមីនាកន្លងទៅ។ ពលរដ្ឋសង្ស័យថា ករណីនេះអាចមានការសមគំនិតគ្នារវាងជនល្មើស និងឆ្មាំអភិរក្ស បើកដៃឲ្យជនទុច្ចរិតមានឱកាសដើម្បីលួចកាប់ដើមឈើ។ អាជ្ញាធរអប្សរាទទួលស្គាល់ថា ពិតជាមានករណីលួចកាត់ដើមគ្រញូងទំហំ ៣តឹកកន្លះ ប្រវែងប្រហែល ៣ម៉ែត្រ ចំនួន...
video

ក្រុមអ្នកឃ្លាំមើលជំរុញឲ្យរដ្ឋាភិបាលតម្លើងពន្ធដីសម្បទានសេដ្ឋកិច្ចដើម្បីយកលុយជួយដោះស្រាយជនក្រីក្រក្នុងអំឡុងវិបត្តិកូវីដ

ក្រុមអ្នកតស៊ូមតិនៅក្រៅប្រទេស លើកឡើងថា ពលរដ្ឋខ្មែរ បានជ្រើសរើសអ្នកនយោបាយ ជាតំណាងរបស់ខ្លួនដើម្បីបម្រើសេចក្តីត្រូវការរបស់ពួកគេ ផ្ទុយទៅវិញ ប្រសិនអ្នកនយោបាយមិនបានបម្រើ             សេចក្តីត្រូវរបស់ពលរដ្ឋដូចដែលពួកគេចង់បាននោះទេ តើប្រជាពលរដ្ឋត្រូវនាំគ្នាគាំទ្រអ្នកនយោបាយប្រភេទនោះបន្តទៀត ឬយ៉ាងណា? ប្រធានប្រតិបត្តិនៃចលនានិស្សិតដើម្បីលទ្ធិប្រជាធិបតេយ្យ លោក ទូច វិបុល បានសរសេរលើគណនីFacebook របស់លោក នៅថ្ងៃទី០៦ មេសា នេះថា...
video

នាយករដ្ឋមន្ត្រីកម្ពុជា ត្រៀមចាត់វិធានការព្យាបាលអ្នកវិជ្ជមានជំងឺCovid-19តាមផ្ទះ

ប្រមុខរដ្ឋាភិបាល លោក ហ៊ុន សែន បានត្រៀមក្រុមប្រតិបត្តិព្យាបាលអ្នកវិជ្ជមានវីរុសCovid-19 នៅតាមផ្ទះរៀងៗខ្លួន ប្រសិនអ្នកជំងឺកាន់តែមានចំនួនកើនឡើងមិនថមថយទៀតនោះ។ លោក ហ៊ុន សែន បានបញ្ចេញខ្សែអាត់សំឡេង នៅថ្ងៃទី៦ ខែមេសា ឆ្នាំ២០២១ នេះថា ទោះមានមន្ទីរពេទ្យច្រើនប៉ុណ្ណាក៏មិនអាចដាក់អ្នកជំងឺអស់ដែរ ប្រសិនបើ អ្នកដែលជាសះស្បើយពីជំងឺនេះមានតិចខណៈអ្នកឆ្លងវីរុស Covid-19កាន់តែកើនឡើងៗដូចសព្វថ្ងៃនេះ។
video

បទវិភាគ៖ តើហេតុអ្វីលោកហ៊ុន សែន មិនអាចជួយសំរាលបន្ទុក ប្រាក់ចំណូលរបស់ពលរដ្ឋខ្មែរក្នុងគ្រាមានវិបត្តិ កូវីដ១៩ ឲ្យមានប្រសិទ្ធិភាព?

ការផ្ទុះមេរោគកូវីដ១៩មិនមែនជាវិបត្តិសង្គមលើកទីមួយដែលបាន កើតឡើងក្នុងប្រទេសកម្ពុជានោះទេ។ តាមពិតកម្ពុជាធ្លាប់ជួបវិបត្តិ សង្គមជាច្រើន ដូចជា ការផ្ទុះឡើងនៃជំងឺសារ ក្នុងឆ្នាំ២០០៣ ការផ្អុះជំងឺផ្តាសសាយបក្សីក្នុងឆ្នាំ២០១៣ និងការផ្ទុះជំងឺប៉េសជ្រូកក្នុងឆ្នាំ២០១៩ ជាដើម។ ការផ្ទុះឡើងនៃមេរោគទាំងនោះបានធ្វើឲ្យ មានការស្លាប់មនុស្ស មាន់ទារ និងជ្រូក របស់ពលរដ្ឋខ្មែរ ហើយប៉ះទង្គិចដល់សេដ្ឋកិច្ចជាតិ និង ប្រាក់ចំណូលគ្រួសារដែលរងគ្រោះដោយផ្ទាល់ និងប្រយោល។ ក្នុងគ្រាមានការផ្ទុះជំងឺឆ្លងដូចខាងលើ ពលរដ្ឋខ្មែរ ជាពិសេសកសិករដែលរងផលប៉ះពាល់ដោយផ្ទាល់ តែងត្អូញត្អែ អំពីវិបត្តិគ្រួសារដែលកំពុងក្រស្រាប់ ហើយកំពុងជំពាក់បំណុលគេ វណ្ឌ័ករ កាន់តែបាត់បង់ប្រាក់ចំណូលគ្រួសារ ក្នុងពេលមាន វិបត្តិសង្គមនេះថែមទៀត។ ពលរដ្ឋរងគ្រោះ តែងតែលើកជាសំណូមពរដល់រដ្ឋាភិបាលឲ្យជួយដោះស្រាយវិបត្តិទាំងនេះ ប៉ុន្តែពួកគេមិនដែលមានការ ឆ្លើយតបពី លោកហ៊ុន សែន ម្តងណានោះឡើយ។ តើអ្វីទៅជាមូលហេតុ ដែលនាំឲ្យលោកហ៊ុន សែន មិនដែលជួយសំរួលបន្ទុកគ្រួសាររបស់ពលរដ្ឋ ខ្មែរដែលបាត់បង់ចំណូលក្នុងពេលមានវិបត្តិសង្គម ដូចបញ្ហា កូវីដ១៩នេះ?
video

សង្គមស៊ីវិលថា ពលរដ្ឋក្នុងសង្គមប្រជាធិបតេយ្យ នឹងមិនបន្តគាំទ្ររដ្ឋាភិបាលដែលគ្មានសមត្ថភាពដោះស្រាយបញ្ហាជូនពួកគេនោះទេ

មន្ត្រីអង្គការសង្គមស៊ីវិល លើកឡើងថា ប្រសិនបើប្រទេសដែលមានការគោរពលទ្ធិប្រជាធិបតេយ្យពិតប្រាកដ រដ្ឋាភិបាលដែលមិនអាចមានលទ្ធភាពជួយដោះស្រាយបញ្ហាជូនពលរដ្ឋ នឹងមិនទទួលបានការគាំទ្រពីពលរដ្ឋនៅពេលបោះឆ្នោតនោះទេ។ អ្នកនាំពាក្យសមាគមការពារសិទ្ធិមនុស្ស អាដហុក លោក សឹង សែនករុណា បានប្រាប់សារព័ត៌មាន The Cambodia daily នៅថ្ងៃនេះថា ក្នុងស្ថានភាពដ៏លំបាកនេះ រដ្ឋាភិបាលគួរតែពិចារណាអនុម័តថវិកាជាតិជាបន្ទាន់ដើម្បីដោះស្រាយបញ្ហាសេដ្ឋកិច្ចជូនប្រជាពលរដ្ឋដែលកំពុងធ្លាក់ក្នុងវិបត្តិសេដ្ឋកិច្ចគ្រួសារធ្ងន់ធ្ងរដោយសារជំងឺCovid-19។
video

បញ្ញវន្តខ្មែរនៅក្រៅស្រុកថា រលើកឡើងរបស់បវរកញ្ញាកម្ពុជា គ្រាន់តែបង្ហាញពីកម្រិតនៃការយល់ទាបរបស់នាងប៉ុណ្ណោះ

ក្រុមអ្នកតស៊ូរមតិ ប្រតិកម្មថា ការលើកឡើងរបស់បវរកញ្ញាកម្ពុជា លីវ ជីលី អំពីបញ្ហានយោបាយក្នុងស្រុក ដែលសារព័ត៌មានបរទេសបានចុះផ្សាយនោះ គឺជាបង្ហាញពីកម្រិតនៃការយល់ដឹងទាបរបស់នាងដែលវាជាការឆ្លុះបញ្ចាំង អំពីកម្រិតនៃការយល់ដឹងរបស់អ្នកដឹកនាំខ្មែរ និងអ្នកគ្រប់គ្រងបវរកញ្ញារូបនេះផង។ ប្រធានក្រុមប្រឹក្សាភិបាលនៃចលនានិស្សិតដើម្បីលទ្ធិប្រជាធិបតេយ្យ លោក ម៉ែន ណាត បានប្រាប់ សារព័ត៌មាន The Cambodia daily...
video

ក្រសួងសុខាភិបាល ព្រមានបិទសេវាពិនិត្យព្យាបាលជំងឺឯកជនទាំងឡាយណា ដែលហ៊ានព្យាបាលអ្នកជំងឺ ឬចាក់វ៉ាក់សាំងបង្ការជំងឺកូដ-១៩ បើមិនមានការអនុញ្ញាតពីក្រសួង

ក្រសួងសុខាភិបាល បានក្រើនរំឭកជាចុងក្រោយ នៅថ្ងៃទី០៦ ខែមេសា ឆ្នាំ២០២១ មិនអនុញ្ញាតឱ្យកន្លែងពិនិត្យព្យាបាលជំងឺឯកជនពិនិត្យ ឬព្យាបាលអ្នកជំងឺដែលសង្ស័យថា ជាជំងឺCovid-19 ជាដាច់ខាត ដើម្បីទប់ស្កាត់កុំឱ្យមានការរាលដាលនៃ ជំងឺCovid-19 ជាទ្រង់ទ្រាយធំនៅក្នុងសហគមន៍។  ក្រសួងសុខាភិបាល បានបញ្ជាក់ជាថ្មីទៀតថា រាល់ម្ចាស់សេវាពិនិត្យព្យាបាល ជំងឺឯកជន ត្រូវបញ្ជូនអ្នកសង្ស័យជំងឺកូវីដ-១៩ ពីមូលដ្ឋានរបស់ខ្លួនទៅមន្ទីរពេទ្យរដ្ឋនៅទូទាំងខេត្ត និងមន្ទីរពេទ្យមិត្តភាពខ្មែរ-សូវៀត...