កម្មករ និងមន្ត្រីបានឲ្យដឹងថា អគារបរិភោគអាហាររបស់រោងចក្រមួយ នៅខណ្ឌមានជ័យក្នុងរាជធានីភ្នំពេញ ដែលផ្គត់ផ្គង់សម្លៀកបំពាក់ទៅឲ្យក្រុមហ៊ុន ហ្គេប (Gap)នៅសហរដ្ឋអាមេរិក បានបាក់រលំចូលក្នុងស្រះទឹកមួយកាលពីម្សិលមិញ ដោយបណ្ដាលឲ្យកម្មកររោងចក្រជាង២០នាក់ ដែលកំពុងបរិភោគអាហារថ្ងៃត្រង់រងរបួស។
យោងតាមលោក មៅ រិទិ្ធ នាយប៉ុស្ដិ៍នគរបាលសង្កាត់បានឲ្យដឹងថា សាលបរិភោគអាហារដែលជាផ្នែកមួយរបស់រោងចក្រកាត់ដេរថប់វើល ហ្គាមិន នៅសង្កាត់ក្បាលកោះ ប៉ុន្តែ ស្ថិតនៅក្រៅអគារធំបានបាក់រលំនៅម៉ោង១១ និង៤០នាទីព្រឹក។ លោកបានបន្ថែមថា ស្ពានបេតុងមួយតភ្ជាប់អាហារដ្ឋាន ដែលសង់ពីលើស្រះទឹកស្អុយមួយ ទៅផ្លូវធំក៏បានបាក់ផងដែរ។
លោក គួច ចំរើន អភិបាលខណ្ឌ បានមានប្រសាសន៍ថា“ កម្មកររោងចក្រ១៣នាក់ ដែលមានស្ត្រីមានផ្ទៃពោះប្រាំខែម្នាក់ ត្រូវបានបញ្ជូនទៅមន្ទីរពេទ្យមិត្តភាព ខ្មែរ-សូវៀត រីឯកម្មករ១០នាក់ផ្សេងទៀត បានបញ្ជូនទៅមន្ទីរពេទ្យបង្អែកខណ្ឌ”។ លោកបានមានប្រសាសន៍បន្ថែមថា មូលហេតុនៃការបាក់រលំអាហារដ្ឋាននេះ នៅមិនទាន់ដឹងច្បាស់នៅឡើយទេ។
ដោយនិយាយពីមន្ទីរពេទ្យ អ្នកស្រី សាយភារម្យ អាយុ២៧ឆ្នាំ ជាស្ត្រីមានផ្ទៃពោះនោះបាននិយាយថា អ្នកស្រីបានឮសំឡេងលាន់យ៉ាងខ្លាំងនៅមុនពេលវាបាក់រលំចូលក្នុងស្រះទឹកស្អុយនោះ។ អ្នកស្រី បាននិយាយថា ដោយសារអ្នកស្រីនៅក្បែរច្រកចេញ អ្នកស្រី
បានចាប់ផ្ដើមរត់ឆ្លងកាត់ស្ពាននេះភ្លាម។
អ្នកស្រី សាយ ភារម្យ និយាយថា “ សាលនេះ បានបាក់រលំ ហើយខ្ញុំបានរត់ចេញមកក្រៅយ៉ាងលឿន។ពេលខ្ញុំរត់មកដល់ពាក់កណ្ដាលស្ពាននេះ ស្ពាននេះ ក៏បានបាក់ស្របគ្នាជាមួយនឹងសាលនេះផងដែរ”។ អ្នកស្រីបានបន្ថែមថា កម្មករផ្សេងទៀត បានធ្លាក់ចូលក្នុងទឹក និងបានហែលមកលើគោកវិញ។ អ្នកស្រី សាយ ភារម្យ បាននិយាយថា ទារកក្នុងផ្ទៃរបស់អ្នកស្រីមិនមានបញ្ហាអ្វីនោះទេ។
កម្មករភាគច្រើនគ្រាន់តែមានស្នាមជាំ និងដាច់សាច់ប៉ុណ្ណោះ។
លោក ស៊ាង យ៉ុន តំណាងឲ្យសម្ពន្ធសហជីពប្រជាធិបតេយ្យកម្មករកាត់ដេរកម្ពុជា បានមានប្រសាសន៍ថា រោងចក្រនេះបានយកខ្សាច់លុបស្រះនេះកាលពីមុន។
លោក គុច ឧសភា ប្រធានរដ្ឋបាលរោងចក្រនេះ បានមានប្រសាសន៍ថា តំណាងរោងចក្រនឹងពិភាក្សាអំពីការផ្ដល់សំណងដល់កម្មកររងរបួសនៅថ្ងៃនេះ ហើយលោកបានបដិសេធថា រោងចក្រមិនបានចាក់ខ្សាច់លុបស្រះនេះទេ។
ឧបទ្ទវហេតុនេះ បានកើតមានឡើងត្រឹមតែរយៈពេលប្រាំថ្ងៃប៉ុណ្ណោះ បន្ទាប់ពីរោងចក្រមួយផ្សេងទៀត នៅខេត្តកំពង់ស្ពឺបានបាក់ប្លង់សេសង្កត់កម្មករពីរនាក់ស្លាប់។
កាលពីម្សិលមិញ មន្ត្រីរដ្ឋាភិបាល និងរោងចក្រ បានឲ្យដឹងថា រោងចក្រផលិតស្បែកជើង វីង ស្តា ស៊ូ ដែលមានជនជាតិតៃវ៉ាន់ជាម្ចាស់នោះ មានសុវត្ថិភាពគ្រប់គ្រាន់ដើម្បីឲ្យកម្មករត្រឡប់មកធ្វើការវិញ។
លោក អ៊ុំ មាន រដ្ឋលេខាធិការក្រសួងការងារ បានមានប្រសាសន៍ថា “ ថ្ងៃស្អែកកម្មករនឹងត្រឡប់មកធ្វើការវិញ ដូច្នេះ សង្វាក់
ផលិតកម្ម នឹងមិនត្រូវបានប៉ះពាល់នោះទេ”។
ប៉ុន្តែ ក្រុមហ៊ុន ផលិតសម្ភារកីឡាជប៉ុនយីហោ អាសុីក បាននិយាយថា រោងចក្រនេះមិនគួរបើកដំណើរការនៅមុនពេលធ្វើអធិការកិច្ចសុវត្ថិភាពឲ្យបានត្រឹមត្រូវនោះទេ។
នៅក្នុងអុីម៉េលមួយ ពីប្រទេសជប៉ុន លោក កាតស៊ុមិ ហ្វូណាកូសុី (Katsumi Funakoshi) អ្នកគ្រប់គ្រងផ្នែកទំនាក់ទំនងសាធារណៈរបស់ក្រុមហ៊ុនសាជីវកម្មអាសុីក បានលើកឡើងថា “ អាទិភាពដំបូងរបស់ ក្រុមហ៊ុនអាសុីក គឺសើុបអង្កេតរកមូលហេតុនៃឧបទ្ទវហេតុនេះនិងដើម្បីធានាថា កម្មករ ដែលរងរបួស ទទួលបានការថែទាំត្រឹមត្រូវ និងសមស្រប។ផលិតកម្មអាចបន្តដំណើរការបានលុះណាតែចប់ការសើុបអង្កេតពីគ្រប់ភាគីពាក់ព័ន្ធទាំងអស់សិន ហើយរោងចក្រត្រូវប្រកាសពីសុវត្ថិភាព១០០ភាគរយ ដើម្បីឲ្យកម្មករចូលធ្វើការវិញ”។
លោកស្រី មូរ សុខហួរ បេក្ខជនឈរឈ្មោះបោះឆ្នោតរបស់គណបក្សសង្គ្រោះជាតិ ដែលជាគណបក្សប្រឆាំង ដែលបានចុះទៅជួបគ្រួសារកម្មករពីរនាក់ ដែលបានស្លាប់ កាលពីថ្ងៃអាទិត្យនៅស្រុក គង ពិសី បានមានប្រសាសន៍ថា គណបក្សសង្គ្រោះជាតិកំពុងស្នើសុំ ឲ្យមានការធ្វើអធិការកិច្ចប្រកបដោយតម្លាភាពនៅរោងចក្រផលិតស្បែកជើងវីង ស្តាស៊ូ ក៏ដូចជាគ្រប់រោងចក្រទាំងអស់នៅក្នុងប្រទេសនេះ។
លោកស្រីក៏បានអំពាវនាវឲ្យមានការផ្តន្ទាទោសដល់គ្រប់បុគ្គលទាំងអស់ ដែលជាប់ពាក់ព័ន្ធនៅក្នុងការត្រួតពិនិត្យសំណង់ខុសច្បាប់របស់អគារនេះ។លោក ស្រី មូរ សុខហួរ បានមានប្រសាសន៍ថា “ យើងត្រូវមានការទទួលខុសត្រូវ ហើយសម្រាប់ខ្លួនខ្ញុំ ក្រុមមន្ត្រីហាក់ដូចជាមិនមានការទទួលស្គាល់កំហុសឡើយ។គួរតែមានការចោទប្រកាន់ និងការផ្តន្ទាទោសឲ្យបានធ្ងន់ចំពោះការស្លាប់កម្មករទាំងនេះ”៕
(រាយការណ៍បន្ថែមដោយ Dene-Hern Chen)
ប្រែសម្រួលដោយ ស៊ុំ សុខភុំ
អ្នកដែលមានភក្ដីភាពសរសើរគណបក្សប្រជាជន នៅទិវាចងកំហឹង
ស្ថិតក្នុងសម្លៀកបំពាក់ពណ៌ខ្មៅនៃរបបខ្មែរក្រហម ទាហានក្មេងៗដែលមានកែវភ្នែកសាហាវប្រដាប់ដោយកាំភ្លើងអាកា-៤៧ បានជម្លៀសប្រជាជនចេញពីរាជធានីភ្នំពេញដែលក្នុងនោះមានស្ត្រីមានផ្ទៃពោះម្នាក់ បុរសចំណាស់មានជំងឺម្នាក់ដែលកំពុងតែបន្ដោកសេរ៉ូម និងកុមារៗ។
ពួកគេទាំងនោះគ្មាននរណាម្នាក់រួចខ្លួនឡើយ ហើយក្រោយមកពួកគេជាច្រើននាក់ត្រូវបានសម្លាប់យ៉ាងសាហាវព្រៃផ្សៃ។
ជីវិតរស់នៅក្នុងរបបនេះជួបទុក្ខវេទនាយ៉ាងខ្លាំង កុមារៗស្រេកឃ្លាន និងទទួលបានរបបអាហារតែបន្តិចបន្តួចប៉ុណ្ណោះ ចំណែកឯបុរសនិងស្ត្រីៗត្រូវបានវាយសម្លាប់នឹងខ្នងពូថៅ និងត្បូងចបដោយគ្មានក្ដីមេត្តាព្រមទាំងអារកនឹងធាងត្នោត។ ស្នូរបាញ់កាំភ្លើងបានលាន់ឮកងរំពងពេញអាកាសាអមដោយសំណើចគួរឲ្យខ្លាច ដែលមើលទៅហាក់ដូចជាឈុតឆាកមួយនៅក្នុងខ្សែភាពយន្ដហូលីវូដអ៊ីចឹង។
ការសម្ដែងបែបនេះ បង្កើតបានជាផ្ទាំងទស្សនីយភាពដ៏អស្ចារ្យ ក្នុងទិវាចងកំហឹងកាលពីម្សិលមិញ ដែលជាការសម្ដែងឡើងវិញប្រចាំឆ្នាំដើម្បីធ្វើត្រាប់តាមអំពើឃោរឃៅយង់ឃ្នងរបស់ខ្មែរក្រហម ដែលបានកើតឡើងនៅវាលពិឃាតជើងឯក ស្ថិតនៅជាយរាជធានីភ្នំពេញ។
ដោយបង្កើតឡើងដំបូងក្នុងឆ្នាំ១៩៨៤ ព្រឹត្តិការណ៍កាលពីម្សិលមិញ ដែលមានការចូលរួមពីមនុស្សប្រមាណ២.០០០នាក់ ជាថ្ងៃរំឭកមួយដែលហាក់ដូចជាមិនសូវមានភាពឧឡារិកប៉ុន្មានទេ ហើយហាក់ដូចជាយុទ្ធនាការមួយសម្រាប់គណបក្សប្រជាជនកម្ពុជាកំពុងកាន់អំណាចរបស់លោកនាយករដ្ឋមន្ត្រី ហ៊ុន...
កាលពីម្សិលមិញ លោក កឹម សុខា អនុប្រធានគណបក្សសង្គ្រោះជាតិ បានប្រមូលផ្តុំក្រុមអ្នកគាំទ្រស្មោះស្ម័គ្រចំនួន៣.០០០នាក់នៅឯសួនសេរីភាព ក្នុងរាជធានីភ្នំពេញ ដោយលើកឡើងថា ការដឹកនាំរយៈពេលជាច្រើនទសវត្សរ៍របស់លោក ហ៊ុន សែន នៅក្នុងប្រទេសនេះ មានរយៈពេលយូរពេកហើយ។
លោកបានប្រាប់ក្រុមអ្នកគាំទ្រថា “ គណបក្សប្រជាជនកម្ពុជាបានកាន់អំណាចអស់រយៈពេលជាង៣០ឆ្នាំមកហើយ ហើយបានធ្វើឲ្យយើងបាត់បង់ធនធានធម្មជាតិគ្រប់បែបយា៉ង”។
លោក កឹម សុខា បាននិយាយទៅកាន់ក្រុមអ្នកគាំទ្រតាមឧគ្ឃោសនសព្ទថា “ ក្រោមការដឹកនាំដ៏ពុករលួយ យើងបានបាត់បង់ដី និងធនធានធម្មជាតិអស់ហើយ។យើងជាពលរដ្ឋកម្ពុជាមិនអាចទទួលយកបានឡើយ។ លោកនាយករដ្ឋមន្ត្រី...
ភ្លើងឆេះអង្ករ១.០០០តោនក្នុងរោង ម៉ាស៊ីនកិនស្រូវនៅខេត្តពោធិ៍សាត់
នាយប៉ុស្តិ៍ឃុំផ្ទះព្រៃ ខេត្តពោធិ៍សាត់ បានឲ្យដឹងថា រោងម៉ាស៊ីនកិនស្រូវមួយកន្លែងនៅក្នុងខេត្តនេះ កាលពីថ្ងៃសុក្រសប្តាហ៍មុន បានបំផ្លិចបំផ្លាញអង្ករ១.០០០តោន ហើយធ្វើឲ្យមានការខាតបង់ប្រាក់អស់រាប់សែនដុល្លារ។ លោក បុិច សុផាន នាយប៉ុស្តិ៍ឃុំខាងលើមានប្រសាសន៍ថា ផ្កាភ្លើងដែលបង្កឡើង ដោយការងារផ្សារដែក បានបណ្តាលឲ្យរោងម៉ាស៊ីនកិនស្រូវនៅក្នុងឃុំនេះទទួលរងនូវការខូចខាតដោយសារភ្លើងឆេះ។
លោកបានឲ្យដឹងបន្ថែមថា រថយន្តពន្លត់អគ្គិភ័យប្រាំគ្រឿង បានទៅដល់កន្លែងកើតហេតុ ដើម្បីដោះស្រាយពន្លត់ភ្លើងដែលកំពុង
ឆាបឆេះនេះ ក៏ប៉ុន្តែ មិនអាចទប់ស្កាត់សន្ទុះ ឆាបឆេះបំផ្លិចបំផ្លាញរោងម៉ាស៊ីនកិនស្រូវនេះបានទេ។ លោក បុិច សុផាន និយាយថា
“ យោងតាមម្ចាស់រោងម៉ាស៊ីនកិនស្រូវ អង្ករ១.០០០តោន ស្តុកទុកនៅខាងក្នុងត្រូវបានបំផ្លិចបំផ្លាញអស់គ្មានសល់ ហើយទ្រព្យសម្បត្តិ
គិតជាទឹកប្រាក់សរុបប្រហែល ២៣០.០០០ដុល្លារ ក៏ត្រូវខាតបង់ផងដែរ”។
លោកបានឲ្យដឹងបន្ថែមទៀតថា ករណីអគ្គិភ័យនេះកើតឡើង នៅវេលាម៉ោងប្រហែល២និង៤០នាទីរសៀល នៅពេលកម្មករកំពុងតែផ្សារដំបូលរោងម៉ាស៊ីនកិនស្រូវ ហើយផ្កាភ្លើងព្រាកៗបានបង្កឲ្យខ្សែចរន្តអគ្គិសនីទុស្សេ ហើយបន្ទាប់មក ភ្លើងក៏ចាប់ផ្តើមឆាបឆេះតែម្តង។ លោកបានលើកឡើងថា “ នគរបាលបានសន្និដ្ឋានថាវាជាបញ្ហាចរន្តអគ្គិសនី ហើយកម្មករមានការធ្វេសប្រហែស”។
លោក សុផាន ឲ្យដឹងថា លោក ចាង កុនម៉េង គឺជាម្ចាស់រោងម៉ាស៊ីនកិនស្រូវសម្រាប់នាំអង្ករចេញទៅទីផ្សារក្រៅប្រទេសនេះ។ ក្នុងការជំរុញផលិតកម្មអង្ករក្នុងស្រុកក្នុង
ប្រទេសកម្ពុជា វិស័យនាំចេញកំពុងត្រូវបានលើកកម្ពស់តាមរយៈគម្រោងវិនិយោគកាន់តែច្រើនក្នុងគម្រោងរោងម៉ាស៊ីនកិនស្រូវ៕
ប្រែសម្រួលដោយ កង សុធា
បក្សប្រឆាំងឆ្លើយតបចំពោះការស្នើឲ្យរដ្ឋសភាបង្កកប្រាក់ខែសមាជិកសភាគណបក្សប្រឆាំង
លោក សុន ឆ័យ សមាជិកសភាគណបក្សសម រង្ស៊ី បានចោទលោក ជាម យៀប សមាជិករដ្ឋសភាជាន់ខ្ពស់មកពីគណបក្សប្រជាជនកម្ពុជាថា បានប្រើអំណាចរបស់លោក ដើម្បីបំភិតបំភ័យគណបក្សប្រឆាំង បន្ទាប់ពីលោកបានស្នើឲ្យលោក ហេង សំរិន ប្រធានរដ្ឋសភាកាលពីដើមខែនេះបង្កកប្រាក់ខែរបស់សមាជិកសភាគណបក្សប្រឆាំង។
លោក ជាម យៀប...
សមាជិកប្រហែល២.០០០នាក់របស់រណសិរ្សសាមគ្គីភាពសម្រាប់ការអភិវឌ្ឍន៍មាតុភូមិកម្ពុជា បានប្រមូលផ្ដុំគ្នានៅរាជធានីភ្នំពេញ ដើម្បីធ្វើសន្និបាតប្រចាំឆ្នាំរបស់ខ្លួនកាលពីម្សិលមិញ ដោយបានក្រើនរំ់ឭកដល់បណ្ដាអ្នកចូលរួមឲ្យចងចាំអំពីតួនាទីរបស់រណសិរ្សក្នុងការរំដោះប្រទេសនេះពីរបបខ្មែរក្រហម ពេលអ្នកចូលរួមទាំងនេះទៅបោះឆ្នោតនៅខែកក្កដា ខាងមុខនេះ ។
រណសិរ្សនេះ ក្រោយមកត្រូវបានហៅថារណសិរ្សបង្រួបបង្រួមដើម្បីរំដោះជាតិកម្ពុជា ត្រូវបានបង្កើតឡើងកាលពីថ្ងៃទី២ខែធ្នូ ឆ្នាំ១៩៧៨។ជាងមួយខែក្រោយមកនៅថ្ងៃទី៧ ខែមករា ឆ្នាំ១៩៧៩កងទ័ពវៀតណាម បានតែងតាំងសមាជិករណសិរ្ស ដែលត្រូវបានជ្រើសតាំងនៅមហាសន្និបាតរណសិរ្ស កាលពីឆ្នាំ១៩៧៨ ជាមេដឹកនាំរបស់
ប្រទេសកម្ពុជាក្រោយរបបខ្មែរក្រហម។
សមាជិករណសិរ្ស ដែលរួមមានលោក ហេង សំរិន និងលោក ហ៊ុន សែន បានបង្កើតគណបក្សបដិវត្តន៍ប្រជាជនកម្ពុជា ដែលបានផ្ដួលរំលំរបបខ្មែរក្រហម និងបន្ទាប់មក បានក្លាយទៅជាគណបក្សប្រជាជនកម្ពុជាវិញ។
ថ្លែងនៅសាលសន្និសីទចតុមុខ លោក ហេង សំរិន ប្រធានរដ្ឋសភា និងជាប្រធានរណសិរ្សនាពេលបច្ចុប្បន្ននេះ បានមានប្រសាសន៍ទៅកាន់អ្នកចូលរួមរាប់រយនាក់
ដែលមានព្រះសង្ឃ និស្សិត និងភាគច្រើនជាសមាជិកចាស់ៗរបស់រណសិរ្សថា ប្រសិនបើមិនមានរណសិរ្សនេះទេនោះ ប្រទេសកម្ពុជានឹងមិនបានរួចផុតពីរបបខ្មែរក្រហមនេះទេ ហើយថា ការគាំទ្រគណបក្សប្រជាជនកម្ពុជានៅពេលនេះ គឺជាការចាំបាច់ដើម្បីថែររក្សាកេរដំណែលរបស់ខ្លួន។
លោក ហេង សំរិន បានមានប្រសាសន៍ថា “ នរណាក៏ដឹងថា រណសិរ្សសាមគ្គីភាពសម្រាប់ការអភិវឌ្ឍន៍មាតុភូមិកម្ពុជា គឺជាបុព្វការិជនម្នាក់ដែលយើងមិនអាចបំភ្លេចបាន ពីព្រោះរណសិរ្សនេះធ្វើឲ្យប្រទេសនិងប្រជាជនរបស់យើង មានជីវិតឡើងវិញ”។
លោកបានមានប្រសាសន៍ថា “ នៅគ្រប់ជាន់ថ្នាក់ គោលនយោបាយដ៍សំខាន់របស់យើង គឺដើម្បីធ្វើឲ្យសាធារណជនមានជំនឿកាន់តែខ្លាំងឡើង និងនៅតែបោះឆ្នោតឲ្យគណបក្សប្រជាជនកម្ពុជា ដែលនឹងបម្រើប្រជាជនជារៀងរហូតឲ្យស្របតាមសង្គមប្រជាធិបតេយ្យទំនើបរបស់យើង”។
ថ្លែងនៅក្នុងមហាសន្និបាតកាលពីម្សិលមិញ លោក មិន ឃិន រដ្ឋមន្ត្រីក្រសួងធម្មការនិងសាសនា និងជាអគ្គលេខាធិការរណសិរ្សនេះ បានមានប្រសាសន៍ថា នាពេលបច្ចុប្បន្នរណសិរ្សនេះមានសមាជិកនៅទូទាំងប្រទេសចំនួន៧៤៦.១៤៦នាក់ ។ លោក មិន ឃិន បានមានប្រសាសន៍ថា“ គឺថ្ងៃ២ធ្នូនេះឯងដែលនាំឲ្យមានថ្ងៃ៧មករា
ដែលបានជួយសង្គ្រោះជីវិតយើង និងធ្វើឲ្យមានអ្វីៗទាំងអស់នៅថ្ងៃនេះ”៕
ប្រែសម្រួលដោយ ស៊ុំ សុខភុំ
លោក សុរិយា ស៊ូបេឌី (Surya Subedi) ប្រេសិតទទួលបន្ទុកសិទិ្ធមនុស្សរបស់អង្គការសហប្រជាជាតិ ប្រចាំប្រទេសកម្ពុជា បានអញ្ជើញមកដល់រាជធានីភ្នំពេញ កាលពីល្ងាចម្សិលមិញ ដើម្បីបំពេញបេសកកម្មស្វែងរកការពិតចុងក្រោយរបស់លោកនៅប្រទេសនេះ ដើម្បីចង់ដឹងថា តើរដ្ឋាភិបាលបានធ្វើឲ្យមានការវិវឌ្ឍអ្វីខ្លះនៅក្នុងការអនុវត្តអនុសាសន៍ជាច្រើនរបស់លោកសម្រាប់ការធ្វើកំណែទម្រង់លទិ្ធប្រជាធិបតេយ្យ។
ដោយបានធ្វើដំណើរប្រាំបីលើកកាលពីពេលមុនមកប្រទេសកម្ពុជានោះ អនុសាសន៍ជាច្រើនរបស់លោក ស៊ូបេឌី បានផ្ដោតទៅលើការធ្វើកំណែទម្រង់រដ្ឋសភា ដីសម្បទានសេដ្ឋកិច្ច និងដំណើរការបោះឆ្នោតរបស់ប្រទេសនេះ។
ដំណើរទស្សនកិច្ចនៅសប្ដាហ៍នេះ មានរយៈពេលមិនដល់ពីរខែផងនៅមុនការបោះឆ្នោតជាតិនៅខែកក្កដា ដែលក្រុមអ្នកសង្កេតការណ៍មួយចំនួន បានព្រមានរួចមកហើយថាមិនសូវមានយុត្តិធម៌ទេក្នុងរយៈពេល២០ឆ្នាំកន្លងមកនេះនៅប្រទេសកម្ពុជា។
អំឡុងដំណើរទស្សនកិច្ចលើកមុនរបស់លោក ស៊ូបេឌី កាលពីខែធ្នូនោះ មិនមានមន្ត្រីរដ្ឋាភិបាលណាមួយធ្វើតាមសំណើសុំជួបរបស់លោកនោះទេ ។ លោកនាយករដ្ឋមន្ត្រី ហ៊ុន សែន ផ្ទាល់ មានប្រសាសន៍ថា លោកមិនមានពេលទទួលយកអនុសាសន៍ពី “ ជនបរទេស” នោះទេ ដែលជាសញ្ញាមួយបង្ហាញថា ប្រេសិតរូបនេះមិនមានទំនាក់ទំនងមិនល្អជាមួយនឹងរដ្ឋាភិបាល។
ប៉ុន្តែ លោក ជែម ហុីណេន (James Heenan) តំណាងប្រចាំប្រទេសស្ដីទីរបស់ការិយាល័យសិទិ្ធមនុស្សអង្គការសហប្រជាជាតិ ដែលបានជួយសម្របសម្រួលដំណើរទស្សនកិច្ចរបស់លោកស៊ូបេឌី បានមានប្រសាសន៍ថា ប្រេសិតរូបនេះ បានទទួលការបញ្ជាក់រួចហើយដើម្បីជួបមន្ត្រីរដ្ឋាភិបាលមួយចំនួនសម្រាប់ដំណើរទស្សនកិច្ចលើកនេះ ដែលរួមមានលោក ទេព នីថា អគ្គលេខាធិការគណៈកម្មាធិការជាតិរៀបចំការបោះឆ្នោតបញ្ជាក់ថា គណៈកម្មាធិការនេះរៀបចំកិច្ចប្រជុំមួយជាមួយនឹងលោក ស៊ូបេឌី នៅពេលព្រឹកថ្ងៃអង្គារ៕
ប្រែសម្រួលដោយ ស៊ុំ សុខភុំ
កាលពីថ្ងៃសៅរ៍ សហជីពក្នុងស្រុកជាង២០សហជីពបានជំរុញឲ្យសាលាដំបូងខេត្តស្វាយរៀងផ្តន្ទាទោសលោក ឈូក បណ្ឌិត អតីតអភិបាលក្រុងបាវិត ដែលត្រូវបានចោទប្រកាន់ពីបទបាញ់អ្នកតវ៉ានៅឯរោងចក្រមួយកាលពីខែកុម្ភៈឆ្នាំ២០១២ អំឡុងការតវ៉ាដោយហិង្សា ដែលធ្វើឲ្យកម្មការិនីរោងចក្រកាត់ដេរចំនួនបីនាក់រងរបួស ។
សហភាពការងារកម្ពុជា និងសហភាពសហជីពកម្ពុជា ស្ថិតក្នុងចំណោមសហជីពដែលបានចុះហត្ថលេខាលើសេចក្តីថ្លែងការណ៍នេះ មុនការបើកសវនាការជំនុំជម្រះលោក ឈូក បណ្ឌិត ដែលចាប់ផ្តើមនៅថ្ងៃអង្គារនេះ។
នៅក្នុងសេចក្តីថ្លែងការណ៍ដោយឡែកមួយចេញកាលពីថ្ងៃសុក្រផ្ញើឲ្យក្រុមហ៊ុនយីហោអន្តរជាតិ ដែលមានក្រុមហ៊ុនផលិតសម្លៀកបំពាក់កីឡាម៉ាក ពូម៉ា ដែលទិញផលិតផលពីរោងចក្រដែលកម្មកររងរបួសធ្វើការនោះ សហជីពជាតិ និងអន្តរជាតិជាង៣០ បានអំពាវនាវឲ្យក្រុមហុ៊ុនផលិតសម្លៀកបំពាក់កីឡារបស់អាល្លឺម៉ង់នេះ ជំរុញឲ្យមានការផ្តន្ទាទោសលោក បណ្ឌិត។
លិខិតនេះលើកឡើងថា “ វិធាននិងបទដ្ឋានរបស់អស់លោក ទាមទារឲ្យមាននីតិរដ្ឋ ប្រាក់ខែ...
សាលាដំបូងខេត្តព្រះសីហនុ ចោទប្រកាន់ជនជាតិអាមេរិកម្នាក់ និងកម្ពុជាម្នាក់ពីបទអនាចារ
នគរបាលបាននិយាយកាលពីម្សិលមិញថាកាលពីថ្ងៃសៅរ៍ សាលាដំបូងខេត្តព្រះសីហនុបានចោទប្រកាន់ជនជាតិអាមេរិកម្នាក់ ដែលជាអ្នកប្រៀនប្រដៅក្នុងគ្រិស្តសាសនាម្នាក់ និងបុរសជនជាតិខ្មែរម្នាក់ពីបទប្រព្រឹត្តអំពើអនាចារ បន្ទាប់ពីពួកគេបានបំពានផ្លូវភេទក្មេងប្រុសបីនាក់ក្រោមអាយុ១៥ឆ្នាំ។
ឈ្មោះ ឆាល វីលៀម មែននីង(Charles William Manning) អាយុ៦៧ឆ្នាំ និងឈ្មោះ សាន វាសនា...
EU មិនស៊ើបអង្កេតបញ្ហាដីសម្បទាននៅកម្ពុជាទេ នាពេលនេះ
សមាជិកគណៈកម្មការពាណិជ្ជកម្ម និងតំណាងក្រសួងការបរទេសរបស់សហភាពអឺរ៉ុបបានទាត់ចោលសំណើពីសមាជិកសភាអឺរ៉ុប១៣នាក់ ដែលបានស្នើសុំឲ្យពួកគេបើកការស៊ើបអង្កេតជាបន្ទាន់ក្នុងបញ្ហាដីសម្បទានសេដ្ឋកិច្ចនៅប្រទេសកម្ពុជា ដែលរងការរិះគន់យ៉ាងខ្លាំងនោះ ប៉ុន្តែបានលើកឡើងថា ខ្លួនកំពុងឃ្លាំមើលបញ្ហានេះយ៉ាងដិតដល់។
នៅក្នុងលិខិតកាលពីខែមីនាផ្ញើជូនលោក ការែ៉ល ដឺហ្គូត (Karel De Gucht) សមាជិកគណៈកម្មការពាណិជ្ជកម្ម និងលោកស្រី ខា ធើរីន អាស្តុន (Catherine Ashton) តំណាងជាន់ខ្ពស់របស់សហភាពអឺរ៉ុបទទួលបន្ទុកគោលនយោបាយសន្តិសុខ និងកិច្ចការបរទេសនោះ សមាជិកសភាអឺរ៉ុបបានស្នើសុំឲ្យមានការស៊ើបអង្កេតជាបន្ទាន់ក្នុងបញ្ហាដីសម្បទាន ដែលពួកគេបានចោទប្រកាន់ថា បានរំលោភសិទ្ធិមនុស្សយ៉ាងខ្លាំង។ ពួកគេក៏បានស្នើផងដែរថា ប្រសិនបើការស៊ើបអង្កេតនេះបង្ហាញលទ្ធផលដូចការអះអាងរបស់ខ្លួនមែន សូមឲ្យសហភាពអឺរ៉ុបផ្អាកការលើកលែងពន្ធដល់ទំនិញនាំចេញរបស់កម្ពុជាទៅអឺរ៉ុប ក្រោមគម្រោងទំនិញគ្រប់យ៉ាងលើកលែងតែអាវុធ
ជាផ្នែកមួយនៃប្រព័ន្ធអនុគ្រោះទូទៅរបស់សហភាពអឺរ៉ុប។
សំណើរបស់ពួកគេធ្វើឡើងតាមសេចក្ដីសម្រេចរបស់សភាអឺរ៉ុបដែលបានអនុម័តកាលពីខែតុលា។...