អ្នកភូមិប្តឹងទៅអភិបាលខេត្តកោះកុងរឿងជម្លោះដីធ្លីជាមួយអង្គការការពារសត្វព្រៃ
អ្នកភូមិបានឲ្យដឹងកាលពីម្សិលមិញថា ប្រជាពលរដ្ឋជាង១០០នាក់ ដែលមានជម្លោះជាច្រើនឆ្នាំជាមួយនឹងអង្គការសម្ពន្ធសត្វព្រៃក្នុងស្រុកមណ្ឌលសីមា ខេត្តកោះកុងនោះ បានដាក់ពាក្យបណ្ដឹងមកលោកអភិបាលខេត្ត ដោយស្នើសុំឲ្យគេវាស់វែងដីរបស់ពួកខ្លួន ជាផ្នែកមួយនៃគម្រោងចែកប័ណ្ណកម្មសិទ្ធិដីធ្លីរបស់លោកនាយករដ្ឋមន្ត្រី ហ៊ុន សែន។
តំណាងអ្នកភូមិម្នាក់ឈ្មោះ ង៉ែត វ៉ន អាយុ៥៥ឆ្នាំ បានឲ្យដឹងថា អ្នកភូមិត្រូវបានហាមមិនឲ្យបង្កបង្កើនផលលើដីនេះ តាំងពីឆ្នាំ២០០៤ គឺនៅពេលដែលអង្គការសម្ពន្ធសត្វព្រៃបានចុះមកអនុវត្តកម្មវិធីការពារព្រៃឈើក្នុងតំបន់នេះ ។
លោក ង៉ែត វ៉ន បានចោទថា...
កាលពីថ្ងៃពុធ ប្រទេសថៃ និងប្រទេសកម្ពុជាបានចាប់ផ្តើមដើរល្បាតរួមគ្នានៅតាមព្រំដែនរបស់ខ្លួនដោយសង្ឃឹមថា នឹងជួយទប់ស្កាត់ការជ្រៀតចូលរបស់កម្មករចំណាកស្រុកខុសច្បាប់ និងពលរដ្ឋខ្មែរ ដែលលបចូលក្នុងទឹកដីប្រទេសថៃ ដើម្បីលួចកាប់ឈើគ្រញូង ដែលជានិច្ចកាលបង្កឲ្យមានមនុស្សស្លាប់។
ប្រទេសកម្ពុជាអះអាងថា កងកម្លាំងថៃបានបាញ់ជនជាតិរបស់ខ្លួនស្លាប់ចំនួន៤៥នាក់កាលពីឆ្នាំមុន ដោយសារពួកគេឆ្លងដែនដោយខុសច្បាប់ ដើម្បីស្វែងរកឈើប្រណីត ដែលអាចមានតម្លៃរាប់ពាន់ដុល្លារក្នុងមួយម៉ែត្រគូប ហើយជារឿយៗ អំពាវឲ្យភាគីថៃឈប់បាញ់ពួកគេទៀត។ ទោះជាយ៉ាងណា ការអំពាវនាវបែបនេះត្រូវភាគីថៃអនុវត្តបានតិចតួចណាស់ក្នុងការទប់ស្កាត់ការបាញ់ប្រហារដូចនេះ ព្រោះថៃនៅតែទទូចថា ក្រុមអ្នកកាប់ឈើ ដែលគេបាញ់ប្រហារមានអាវុធ និងអាចបង្កគ្រោះថ្នាក់ផងដែរ។
ក្នុងកិច្ចប្រឹងប្រែងដោះស្រាយបញ្ហាដោយទ្វេភាគីនាពេលថ្មីៗនេះ លោក ឡុង វីសាលោ រដ្ឋលេខាធិការក្រសួងការបរទេសបានជួបជាមួយលោក ជូលឡាពង់ ណុនស្រុីឆៃ(Jullapong Nunsrichai) អនុរដ្ឋមន្ត្រីក្រសួងការបរទេសថៃ នៅក្នុងក្រុងប៉ោយប៉ែត កាលពីថ្ងៃពុធ។...
បក្សសង្គ្រោះជាតិផ្តល់សារចម្រុះគ្នាអំពីការចុះឈ្មោះប្រកួតប្រជែង
ដោយនៅសល់តែបួនថ្ងៃទៀតប៉ុណ្ណោះសម្រាប់ឲ្យគណបក្សនយោបាយនានាទៅចុះឈ្មោះ ដើម្បីចូលរួមប្រកួតប្រជែងក្នុងការបោះឆ្នោតជ្រើសតាំងតំណាងរាស្ត្រ ក្រុមមន្ត្រីមកពីគណបក្សសង្គ្រោះជាតិ ដែលជាគណបក្សប្រឆាំង កាលពីម្សិលមិញ បានផ្តល់គំនិតផ្សេងៗគ្នាអំពីថា តើគណបក្សនេះនឹងទៅចុះឈ្មោះឲ្យបានមុនថ្ងៃទី១៣ ខែឧសភា ឬអត់។
ខណៈដែលលោក យឹម សុវណ្ណ អ្នកនាំពាក្យរបស់គណបក្សសង្គ្រោះជាតិបានលើកឡើងថា គណបក្សមិនទាន់សម្រេចថា តើខ្លួននឹងទៅចុះឈ្មោះ ឬយ៉ាងណានោះ លោក កឹម សុខា អនុប្រធានគណបក្សសង្គ្រោះជាតិ...
បក្សប្រជាជនថា សមាជិកសភា មកពីបក្សសង្គ្រោះជាតិ គ្មានសិទ្ធិអង្គុយក្នុងរដ្ឋសភាឡើយ
សមាជិកសភាជាន់ខ្ពស់មកពីគណបក្សប្រជាជនកម្ពុជា កាលពីម្សិលមិញបានលើកឡើងថា សមាជិកសភាមកពីគណបក្ស ដែលទើបបង្កើតថ្មី គឺគណបក្សសង្គ្រោះជាតិ គ្មានសិទ្ធិស្របច្បាប់ ដើម្បីអង្គុយក្នុងរដ្ឋសភាឡើយ ប៉ុន្តែនៅតែទទួលការអនុគ្រោះបែបចិត្តមេត្តាធម៌របស់លោក ហេង សំរិន ប្រធាន
រដ្ឋសភា។
ចាប់តាំងពីគណបក្សប្រឆាំង គឺគណបក្សសម រង្ស៊ី និងគណបក្សសិទ្ធិមនុស្ស បានរួមបញ្ចូលគ្នា ដើម្បីបង្កើតជាគណបក្សសង្គ្រោះជាតិ កាលពីឆ្នាំមុន ដើម្បីចូលរួមប្រកួតប្រជែងនៅក្នុងការបោះឆ្នោតជាតិនាខែកក្កដាខាងមុខ សមាជិកសភាមកពីគណបក្សទាំងពីរនេះ នៅតែបន្តបម្រើការក្នុងរដ្ឋសភា ក្រោមឈ្មោះគណបក្សថ្មី។
ប៉ុន្តែនៅពេលថ្ងៃបោះឆ្នោត ដែលនៅសល់មិនដល់បីខែផងនោះ គណបក្សប្រជាជនកម្ពុជា នៅក្នុងសប្តាហ៍នេះ បានចាប់ផ្តើមលើកឡើងថាសមាជិកសភាមកពីគណបក្សសង្គ្រោះជាតិ ត្រូវបានហាមឃាត់មិនឲ្យអង្គុយក្នុងរដ្ឋសភាឡើយ ដោយសំអាងទៅលើមូលហេតុថា ពួកគេនៅមិនទាន់មានការបោះឆ្នោតជ្រើសរើសឲ្យចូលបម្រើការក្នុងរដ្ឋសភាឡើយ។
នៅក្នុងរដ្ឋសភាកាលពីថ្ងៃពុធ លោក ជាមយៀប សមាជិកសភាជាន់ខ្ពស់មកពីគណបក្សប្រជាជន បានដាក់លិខិតមួយច្បាប់ជូនលោក ហេង...
ក្រុមហ៊ុនវិនិយោគមួយសម្តែងការមិនពេញចិត្តចំពោះការយកពន្ធលើការនាំចេញអាហារសមុទ្រ
ក្រុមហ៊ុនវិនិយោគហុងកុងដ៏សំខាន់មួយនៅក្នុងប្រទេសកម្ពុជាបានលើកឡើងថា ការយកពន្ធរបស់រដ្ឋាភិបាលលើការនាំចេញអាហារសមុទ្រធ្វើឲ្យឧស្សាហកម្មកែច្នៃត្រីនៅប្រទេសកម្ពុជាមានការរអាក់រអួល។
សម្ពន្ធ សាន់វ៉ា (Sunwa) ដែលមានមូលដ្ឋាននៅទីក្រុងហុងកុងបានចាប់ផ្តើមដំណើរការរោងចក្រកែច្នៃបង្គាមួយកន្លែងនៅខេត្តព្រះសីហនុ កាលពីឆ្នាំ១៩៩៤ ហើយផែនការរបស់សម្ពន្ធនេះនៅក្នុងប្រទេសកម្ពុជានាពេលបច្ចុប្បន្ននេះមានផែនការសាងសង់អគារខ្ពស់មួយកន្លែងដែលមានទំហំទឹកប្រាក់វិនិយោគចំនួន៤០០លានដុល្លារនៅណ្តាលរាជធានីភ្នំពេញ។
នៅក្នុងសន្និសីទសារព័ត៌មាន កាលពីថ្ងៃអង្គារ លោក ចូណាថាន់ ឈ័រ (Jonathan Choi)...
សកម្មជនប្រឆាំងនឹងការបណ្ដេញចេញមកពីសហគមន៍បឹងកក់បានធ្វើការតវ៉ារួមគ្នាក្នុងគោលបំណងសុំជំនួយពីប្រទេសកូរ៉េខាងត្បូងទាំងនៅស្ថានទូតរបស់ប្រទេសនេះប្រចាំរាជធានីភ្នំពេញ និងនៅស្ថានទូតខ្មែរក្នុងទីក្រុងសេអ៊ូល។
ការតវ៉ានៅក្នុងទីក្រុងសេអ៊ូលនេះគឺជាលើកទី១ហើយ ដែលសកម្មជនបានធ្វើការតវ៉ានៅក្រៅប្រទេសប្រឆាំងនឹងការបណ្ដេញ
ប្រជាពលរដ្ឋប្រមាណ៣.០០០គ្រួសារចេញពីសហគមន៍បឹងកក់។
ពេលទាក់ទងតាមទូរស័ព្ទទៅក្រុងសេអ៊ូលអ្នកស្រី បូវ សុភា សកម្មជនបឹងកក់បានឲ្យដឹងថា អ្នកស្រីស្ថិតនៅក្នុងប្រទេសកូរ៉េខាងត្បូងទៅចូលរួមសិក្ខាសាលាមួយស្ដីអំពីសិទ្ធិមនុស្សដែលឧបត្ថម្ភដោយអង្គការលើកលែងទោសអន្ដរជាតិ ដែលពេលនោះអ្នកស្រី និងអ្នកចូលរួមប្រហែល៣០នាក់ផ្សេងទៀត ភាគច្រើនជាជនជាតិកូរ៉េខាងត្បូងបានសម្រេចឲ្យសកម្មជនសហគមន៍បឹងកក់ធ្វើការតវ៉ានៅស្ថានទូតខ្មែរនៅទីនោះ។
អ្នកស្រីបានមានប្រសាសន៍ថា អ្នកតវ៉ានៅក្នុងទីក្រុងសេអ៊ូលបានអំពាវនាវឲ្យរដ្ឋាភិបាលកម្ពុជាកំណត់ព្រំប្រទល់តំបន់បឹងកក់
មួយផ្នែកដែលរដ្ឋាភិបាលបានលៃទុកឲ្យពួកគេសង់សំនៅដ្ឋាន ដោយមិនបណ្ដេញអ្នកភូមិចេញទៀតឡើយ និងសុំឲ្យដោះលែងអ្នកស្រីយ៉ម បុុប្ផា សកម្មជនបឹងកក់ដែលត្រូវគេចាប់ដាក់ពន្ធនាគារ។
អ្នកស្រី សុភា ដែលគ្រោងនឹងត្រឡប់មកកម្ពុជាវិញនៅថ្ងៃស្អែកនោះមានប្រសាសន៍ថា “ ស្ថានទូតខ្មែរនៅទីនោះបានទទួលយកញត្ដិរបស់យើងហើយ និងបាននិយាយថា ពួកគេនឹងបញ្ជូនសំណើនោះមករដ្ឋាភិបាលកម្ពុជា ប៉ុន្ដែពួកគេមិនបាននិយាយអ្វីផ្សេងទៀតទេ”។
អ្នកស្រី ទេព វន្នី សកម្មជនសហគមន៍បឹងកក់ដែលបានដឹកនាំការតវ៉ាព្រមពេលគ្នានៅស្ថានទូតកូរ៉េខាងត្បូងក្នុងរាជធានីភ្នំពេញបាននិយាយថា...
ឪពុករបស់កុមារបីនាក់ដែលទទួលរងការវាយដំដោយដំបងឈើនិងដែកពីសំណាក់កម្មកររបស់ក្រុមហ៊ុនឌីអិមគ្រុប (DM Group)
ដែលមានខ្នងក្រាស់នៅខេត្តរតនគិរី បានដាក់ពាក្យប្ដឹងក្រុមហ៊ុននេះ និងទាមទារសំណងរាប់មឺុនដុល្លារ។
កូនបីនាក់របស់លោក រី សារ៉ុន រួមមានក្មេងប្រុសអាយុ១៤ឆ្នាំម្នាក់ ដែលពេលនេះកំពុងរង់ចាំការវះកាត់នៅមន្ទីរពេទ្យប្រទេសវៀតណាមដើម្បីសម្អាតឈាមកកនៅក្នុងក្បាលរបស់ក្មេងប្រុសនេះ ដែលអាចមានគ្រោះថ្នាក់ដល់ជីវិតនោះ ត្រូវបានវាយដំ
ជាមួយនឹងអ្នកជិតខាងម្នាក់ទៀត កាលពីថ្ងៃសៅរ៍ ពេលព្យាយាមបញ្ឈប់កម្មកររបស់ក្រុមហ៊ុន ឌី អិម គ្រុប មិនឲ្យរានដីស្រែរបស់ខ្លួន។
សាលាដំបូងខេត្ត បានចោទប្រកាន់កម្មករទាំងបួននាក់នេះពីបទបង្ករបួសស្នាមដោយចេតនា ប៉ុន្តែ បានដោះលែងទាហានវរសេនីយ៍ឯកម្នាក់ឈ្មោះ ស្រី ធឿន ដែលស្ថិតនៅកន្លែងកើតហេតុនេះ ប៉ុន្តែមិនបានចូលរួមក្នុងការវាយដំនេះទេ។
លោក រី សារ៉ុន និងសាក្សីម្នាក់ ដែលឃើញហេតុការណ៍វាយដំនេះ បានអះអាងថា វរសេនីយ៍ឯក ស្រី ធឿន បានការពារកម្មករ
របស់ក្រុមហ៊ុន ឌី អិម គ្រុប ដោយគំរាមបាញ់អ្នកណា ដែលមានបំណងបញ្ឈប់ការឈូសឆាយដីនេះ។
លោក រី សារ៉ុន បាននិយាយកាលពីថ្ងៃអង្គារថា គាត់បានដាក់ពាក្យប្ដឹងក្រុមហ៊ុននេះដើម្បីទាមទារសំណង៤០.០០០ដុល្លារ។
គាត់បាននិយាយថា “ ខ្ញុំចង់ប្ដឹងមនុស្សបីនាក់នេះ ពីព្រោះពួកគេ បានប្រើអំពើហិង្សាមកលើកូនប្រុស និងកូនស្រីរបស់ខ្ញុំ”។
លោក ឆាយ ធី អ្នកសម្របសម្រួលរបស់អង្គការសិទិ្ធមនុស្សអាដហុកប្រចាំខេត្តរតនគិរីបានមានប្រសាសន៍ថា លោកបានជួយលោករី សារ៉ុន ដាក់ពាក្យបណ្តឹងទៅសាលាដំបូងខេត្តកាលពីព្រឹកថ្ងៃអង្គារ។
លោកមានប្រសាសន៍ថា“ ខ្ញុំបានដាក់ពាក្យប្ដឹងទៅសាលាដំបូងខេត្ត នៅថ្ងៃនេះ បន្ទាប់ពីឪពុករបស់ជនរងគ្រោះ បានមកការិយាល័យរបស់ខ្ញុំមួយថ្ងៃមុននេះដើម្បីសុំជំនួយ”។
លោក រី សារ៉ុន បាន និយាយថា គាត់កំពុងត្រៀមស្នើសុំឲ្យអាជ្ញាធរមូលដ្ឋានបញ្ជាក់ពីប័ណ្ណកម្មសិទិ្ធដី ដែលគាត់បានទទួលនាពេលថ្មីៗនេះលើដីស្រែដែលកូនរបស់គាត់បានការពារ ពេលពួកគេ ត្រូវបានគេវាយដំនោះដើម្បីខ្ចីប្រាក់កម្ចីចំនួន២.០០០ដុល្លារសម្រាប់ព្យាបាលកូនប្រុសរបស់គាត់នៅមន្ទីរពេទ្យក្នុងប្រទេសវៀតណាម។
គាត់បាននិយាយថា វេជ្ជបណ្ឌិតនៅទីនោះបានកំណត់កាលបរិច្ឆេទ ធ្វើការវះកាត់កូនប្រុសរបស់គាត់នៅថ្ងៃសៅរ៍។
លោក វ៉ែន វិបុល អ្នកនាំពាក្យក្រុមហ៊ុន ឌី អិម គ្រុប មិនអាចទាក់ទងសុំការបំភ្លឺបានទេ។
ប៉ុន្តែ កាលពីថ្ងៃសៅរ៍លោក វ៉ែន វិបុល បានចាត់ទុកការវាយតប់គ្នាកាលពីថ្ងៃសៅរ៍នេះថាជាការយល់ច្រឡំគ្នា ពីព្រោះកម្មកររបស់ក្រុមហ៊ុននេះ “ មិនដឹងច្បាស់” ថា ដីនេះជាកម្មសិទិ្ធរបស់នរណាឡើយ៕
ប្រែសម្រួលដោយ ស៊ុំ សុខភុំ
កាលពីម្សិលមិញ លោក ច័ន្ទ សារុន រដ្ឋមន្ត្រីក្រសួងកសិកម្មបានច្រានចោល ការអះអាងពីប្រជាពលរដ្ឋចំនួន២០០គ្រួសារនៅក្នុងខេត្តកោះកុង ដែលបានប្តឹងក្រុមហ៊ុនផលិតស្ករស ថេតអេនលីល(Tate & Lyle )របស់អង់គ្លេស ពាក់ព័ន្ធនឹងដី ដែលពួកគេត្រូវបានបណ្តេញចេញដោយខុសច្បាប់ដោយអះអាងថា មានតែ១៣គ្រួសារប៉ុណ្ណោះក្នុងចំណោមនោះ នៅមានជម្លោះជាមួយក្រុមហ៊ុនចម្ការកៅស៊ូក្នុងស្រុកនៅឡើយ។
ប្រជាពលរដ្ឋ២០០គ្រួសារនេះបានដាក់ពាក្យបណ្តឹងប្តឹងក្រុមហ៊ុនថេតអេនលីល...
កាលពីថ្ងៃអង្គារ អភិបាលខេត្តកំពង់ធំដែលទើបតែងតាំងថ្មីបានសន្យាចំពោះប្រជាពលរដ្ឋជាង៥០០គ្រួសារ ដែលត្រូវបានក្រុមហ៊ុនចម្ការកៅស៊ូវៀតណាមបណ្ដេញចេញពីលំនៅដ្ឋានរបស់ខ្លួនដោយបង្ខំកាលពីជាងបីឆ្នាំមុននោះថា ពួកគាត់នឹងទទួលបានដីស្រែជំនួសវិញនៅដើមខែក្រោយនេះ ។
កងកម្លាំងសន្តិសុខ បានបណ្ដេញអ្នកភូមិចេញពីឃុំក្រយានៅក្នុងស្រុកសន្ទុក កាលពីខែធ្នូ ឆ្នាំ២០០៩ដើម្បីទុកដីនោះឲ្យក្រុមហ៊ុនអភិវឌ្ឍន៍ចម្ការកៅស៊ូ តាន់ បៀន (Tan Bien) នៅខេត្តកំពង់ធំ ដែលបានទទួលដីសម្បទានទំហំ៨.១០០ហិកតានៅក្នុងតំបន់នេះ។
គ្រួសារទាំងនេះ បានរស់នៅលើទីតាំងថ្មីមួយ ដែលគ្មានដីស្រែចម្ងាយប្រហែលប្រាំគីឡូម៉ែត្រអស់រយៈពេលបីឆ្នាំមកហើយ។
លោក អ៊ុត សំអន អភិបាលខេត្ត ដែលបានស្បថចូលកាន់តំណែងកាលពីថ្ងៃច័ន្ទ បានមានប្រសាសន៍ថា...
កាលពីម្សិលមិញ លោក ជាម យៀប តំណាងរាស្ត្រគណបក្សប្រជាជនកម្ពុជាបានផ្ញើលិខិតមួយច្បាប់ជូនលោកនាយករដ្ឋមន្ត្រី ហ៊ុន សែន និងលោក ហេង សំរិន ប្រធានរដ្ឋសភា ដោយស្នើសុំឲ្យរដ្ឋាភិបាលបង្កកប្រាក់ខែរបស់សមាជិកតំណាងរាស្ត្រមកពីគណបក្សសង្គ្រោះជាតិទាំងអស់ ដោយលោកលើកហេតុផលថា គណបក្ស ដែលទើបបង្កើតថ្មីនេះមិនទាន់បានតែងតាំងសមាជិករបស់ខ្លួននៅក្នុងរដ្ឋសភាឲ្យស្របច្បាប់នោះទេ។
យោងតាមលោក ជាម យៀប បានឲ្យដឹងថា គណបក្សសង្គ្រោះជាតិ ដែលកើតឡើងដោយការច្របាច់បញ្ចូលគ្នារវាងគណបក្ស...